विवेचन सारांश

பரமாத்ம தத்துவம்

Please type theஸ்ரீமத் பகவத்கீதை விளக்கவுரை - தொகுப்பு-
அத்தியாயம் 15: புருஷோத்தம யோகம்
முன்னுரை
விளக்குபவர் : கீதா ப்ரவீணா ரூபல் ஷுக்லா
YouTube இணைப்பு: https://youtu.be/AdDrgYkZ5jg
ஜெய் ஸ்ரீகிருஷ்ணா
15 ஆம் அத்தியாயம் புருஷோத்தம யோகம் -- உத்தம புருஷரைப் பற்றிய யோகம்
கீதா பரிவாரின் இந்த அமர்வினை யோகேஸ்வரரையும் வணக்கத்திற்குரிய ஸ்வாமிஜி கோவிந்த தேவ் கிரி மஹாராஜ் அவர்களையும் பிரார்த்தித்து வணங்கித் தொடங்குகிறோம்.
பிரார்த்தனை என்பது ஆத்மாவானது உணர்வுபூர்வமாகப் பரமாத்மாவை உதடுகளால் உச்சரித்து வணங்குவதே ஆகும்.
இதன் பின்னர் குத்து விளக்கேற்றி, பிரம்ம தேவனின் துணைவியான, சகல ஞானங்களின் உறைவிடமான ஸரஸ்வதி மாதாவின் அருளை வேண்டுகிறோம்.
ஒளியானது அறியாமை என்னும் இருளை அகற்றி நிலையான ஞான ஒளியினை எங்கும் வியாபிக்கச் செய்வதாகும். .
இந்தச் சொற்பொழிவை நம் வணக்கத்திற்குரிய அனைத்து குருக்களையும் பிரார்த்தனை செய்து அவர்களின் ஆசிகளை வேண்டிக்கொண்டு, வணங்கித் தொடங்குகிறோம்.
குரு என்பவர் நம்மை நம் ஆன்மீகப் பாதையில் வழி நடத்தும் கலங்கரை விளக்காகத் திகழ்பவர் ஆவார். அவரின் உதவியும் வழிகாட்டலும் இல்லையெனில், நாம் நம் பாதையில் குறுக்கிடும் ஆசைகள் மற்றும் கவனச் சிதறல்களால் வழி தவறி இலக்கின்றி சென்று விடுவோம்.
ஸதாஷிவ ஸமாரம்பா4ம் சங்கராசார்ய மத்4யமாம்||
அஸ்மத்2 ஆசார்ய பர்யந்தாம் வநதே2 கு3ரு பரம்பராம்||
எல்லாம் வல்ல ஸதாசிவன் முதல் ஆதி சங்கரர் வரை, மற்றும் என் குருநாதர் உட்பட அனைத்து ஆசான்களையும் மிகுந்த மரியாதையுடன் தாள் வணங்கி என் விரிவான. உரையைத் தொடங்குகிறேன்.

சம்சாரவ்ருக்ஷ : வாழ்க்கை மரம் எனப்படுவது ஆலமரம் போன்றது. இது வாழ்க்கை எனும் நதியினை உருவகப்படுத்துகிறது. இதுவே கண்ணுக்குப் புலப்படாத பிரம்மனின் தோற்றமாகத் தோன்றுகிறது.
பகவத் கீதையின் 15-வது அத்தியாயம் புருஷோத்தம யோகம் - உன்னத நிலையை அடைந்தவரின் யோகம் எனப்படுகிறது.
பக்தி யோகம் எனப்படும் 12-வது அத்தியாயத்தில் ஒரு உண்மையான பக்த்தனின் 36 வகை குணாதிசயங்கள் என்னவென்று அறிந்துகொண்டோம்.
இனி புருஷோத்தம யோகத்தை பற்றிக் கூறுவதை இந்த 15-வது அத்தியாயத்தில் காண்போம். இந்த அத்தியாயத்தின் முடிவில் பகவான், புருஷோத்தமனின் ஸ்வரூபத்தை முழுமையாக விவரிக்கின்றார். எனவே ,12-வது அத்தியாயம் “ஆத்மனைப்” பற்றியது எனில், 15-வது அத்தியாயம் “பரமாத்மாவை” பற்றியதாகும்.
நாம் முற்பிறப்பில் செய்த நல்வினையின் பயனால் இந்த விலை மதிப்பற்ற மனித உடம்பினை தெய்வ அருளால் பெற்றுள்ளோம். இப்பிறவி நம் கைகளாலும், உதடுகளாலும் (பேச்சினாலும்), மனப்பூர்வமாக பரமாத்மாவிற்கு நம் சேவையை அர்பணிக்கக் கிடைத்துள்ள ஒரு பொன்னான வாய்ப்பாகும்.
இந்த மானுடப் பிறப்பில் யாவரும் பகவானாலேயே அருளப்பட்ட தெய்வீகப் பாடலான பகவத் கீதையினைக் கற்று அதன் வழியே நடக்க விரும்பினாலும் பல்வேறு காரணங்களினால் அவர்களால் நடைமுறைப் படுத்தமுடியவில்லை.

மேலும், கீதையை கற்பதற்க்கு வாய்ப்பு கிடைத்தவர்களும் கூட அது மனிதகுலத்திற்கு தரும் நன்மையை உணராது அதன் வழியில் நடக்க மறுக்கிறார்கள்.

//ஸ்ரீஹரி//
வஸுதேவ3ஸுதம் (ந்) தே3வம் (ங்), கம்ஸ(கௌவ்ம்ஸ) சாணூரமர்த3னம் /
தே3வகீ பரமானந்த3ம்(ங்) க்ருஷ்ணம் வந்தே3 ஜக3த்3 கு3ரும் //
கீதா பரிவாரில் இணைந்துள்ள நாம் பெரும் பாக்கியம் பெற்றவர்களாவோம். ஏனெனில் கீதா பரிவார் நமக்கு, இம்மை மற்றும் மறுமை ஆகிய இரு உலகத்தின் சிறப்பை வெளி காட்டுகிறது. கீதா பரிவாரில் இணைந்துள்ள நாம் அனைவரும் கீதையினைக் கற்று அதன் வழி நடக்க சிறந்த வாய்ப்பு நமக்கு அமைத்து கொடுக்கப் பட்டுள்ளது.
‘’யமேவைஷ வ்ருணுதே தேன லைஷ’’
நாம் நமக்கு வேண்டியவற்றை தேர்ந்தெடுக்கும் உரிமை இல்லை. நாம் நமக்காக எதையும் தேர்ந்தெடுக்கவில்லை மேலும் தேர்ந்தெடுக்கவும் முடியாது. ஒரு குறிப்பிட்ட காரணத்திற்காகவே பகவான் ஒவ்வொருவரையும் தேர்ந்தெடுத்துள்ளார். இதனையே “யமேவைஷ வ்ருணுதே தேன லைஷ்” (यमेवैष वृणुते तेन लैष”) தெரியப்படுத்துகிறது.

இங்கு, நம் அனைவரையும் தெய்வீகப் பாடலான பகவத் கீதையை படித்து, மற்றவர்களையும் படிக்க வைத்து அதன் வழி வாழ்க்கையில் நடந்து கொள்ள நம்மைத் தேர்ந்தெடுத்துள்ளார்.
சுருக்கமாகக் குறிப்பிட்டால் பகவான் நம்மை, கீதா பரிவாரின் மூன்று பொன்னான முக்கிய வழிகளை பின்பற்றத் தேர்ந்தெடுத்துள்ளார்.
கோடிக்கணக்கான லக்ஷக்கணக்கான மக்களிடையே பகவான் நம்மை தேர்ந்தெடுத்துள்ளதால், அவர் காட்டிய வழியில் முழு அர்ப்பணிப்புடன் பயணித்து, 18 அத்தியாயங்களையும் நன்கு கற்று, நம் வாழ்வின் குறிக்கோளாகக் கொண்டு அதனை தொடர்ந்து பயிற்சி மேற்கொள்ள வேண்டும்.




கீதையின் முதல் அத்தியாயத்தின் 28, 29 மற்றும் 30 வது ஸ்லோகங்களில் ,
தோல்வியே அறியாத சிறந்த போர்வீரன் அர்ஜுனன். போரில் தன் உறவினர்களையும், குருமார்களையும் கொல்வதற்கு திடமற்ற அவனது நிலையற்ற மன உறுதியையும், உடலின் இயலாமையையும் மேற்கோள் காட்டுகிறார். இருந்தாலும் பகவான் அர்ஜுனனுக்கு கீதையை கூறவில்லை.
ஒரு நீண்ட உரையாடலுக்குப் பின்னர் 2-வது அத்தியாயத்தின் 7-வது
ஸ்லோகத்தில் கீழ்கண்டவாறு அர்ஜுனன் பரமேஸ்வரரை ஆர்வத்துடன் தான் பின்பற்ற வேண்டிய சரியான வழி பற்றி முழு ஈடுபாட்டுடன் வேண்டுகிறார்.

அதன் பின்னரே பகவான் 2-வது அத்தியாயத்தின் 11-வது ஸ்லோகத்தில் அர்ஜுனனுக்கு ஆலோசனை வழங்கிறார், அதற்கு முன்பு அல்ல.

பகவான் கூறுகிறார்
யதார்த்தத்தின் உண்மைப் பற்றி கூற ஆரம்பிக்கும் பொழுது, ஞானம் பற்றி விவரித்து, “ஞானம் மிக்க வார்த்தைகள் பேசும் நீ புலம்பி வருத்தப்படுவதற்கு தேவையே இல்லை. உண்மையான ஞானி அறிவு உள்ளவன் உயிருடன் இருப்பவர்களுக்காகவோ, இறந்தவர்களுக்காகவோ வருத்தப்படுவதில்லை.”
பரம பூஜ்ய சுவாமி மகாராஜ் கூறுவது என்னவென்றால்-வேதங்களே அறிவாற்றலின் மூலமாகும். அவையே நாம் அன்றாடம் ஆன்மீக பாதையில் மேற்கொள்ள வேண்டியவற்றைக் கற்றுக் கொடுத்து வழி நடத்துபவையாகும். ஆனால் வேதங்கள் பகவானாலும் அவரின் தூதர்களாலும் அருளப்பட்டதன் சாராம்சமேயாகும்.
ஆனால் கீதை என்பது பகவானே சாதாரண மக்களாகிய நமக்கு அர்ஜுனன் மூலமாக குருக்ஷேத்திரம் என்கிற தர்மக்ஷேத்திர போர் முனையில் அருளியது.
பகவான் பரமேஸ்வரரின் வாய்மொழியாக அருளப்பட்ட பகவத் கீதையினை நாம் கற்கும்போது தெய்வீக உணர்ச்சியின் ஆனந்தத்தில் திளைத்து மூழ்க வேண்டும்.
பகவத் கீதையின் 12-வது , 15-வது அத்தியாயங்கள் சற்றே சிறியது.
எனவேதான், கீதா பரிவார் நம்மை கீதை வழிப்பாதையில் எளிதாகப் பயணிக்க, முதலில் இவ்வத்தியாயங்களைக் கற்பிக்கிறார்கள். தொடக்கத்தில் நமக்குக் கீதை கற்பது கடினமாகத் தோன்றினாலும் இந்த இரு சிறிய அத்தியாயங்களையும் கற்ற பின், நம்முடைய நம்பிக்கை பன்மடங்கு பெருகி 18 அத்தியாயங்களையும் எளிதில் விரைவாகக் கற்று நம் ஆன்மீக பயணத்தின் உச்சியினை அடையலாம் என்பது நிச்சயமாகும்.

இந்த 15-வது அத்தியாயத்தில் ஸ்ரீ பகவான் வாழ்க்கையின் ஒரு புதிய தத்துவத்தினைக் கூறவிருக்கிறார்.
நாம் பல ஆன்மீக மற்றும் கீதை சொற்பொழிவுகளில், தோற்றுவித்தல் (creation) அல்லது உருவாக்கம் என்பதை ஒரு கற்பனையான தலை கீழ் மரம் என்பதை உவமையாகக் கொண்டு கூறுவதைக் கேட்டிருப்போம்.
ஆனால் இந்தத் தலைகீழ் மரம் எங்கு, எப்போது , எதற்கு, எந்த சந்தர்ப்பத்தோடு உருவகப்படுத்தப்பட்டுள்ளது?
இதற்கான விடை இந்த 15-வது அத்தியாயத்தில் உள்ளது.
முதலாவது ஸ்லோகத்தில் ஆரம்பித்து இந்த தலைகீழ் மரம் பற்றி முழுமையாக விவரிக்கப்பட்டுள்ளது.
இனி 15-வது அத்தியாயத்தின் அனைத்து ஸ்லோகங்களையும் விரிவாகக் காணபோம் .
------------------------------------------------- ----------------------------------------------
                                        ஜெய் ஸ்ரீகிருஷ்ணா introduction text here or remove it.